ராணுவம் வரும் வரை வேடிக்கை பார்க்க மனம் இல்லை 
நாங்களே இராணுவமாக மாறினோம் ,

உங்களுக்கு உணவு போட்டலங்களை 
வீசி ஏறிய மனம் இல்லை 
நீங்கள் அடுத்தவன் இல்லையே

எங்கள் உறவு என்பதால்
உணவுபோட்டலங்களை தூக்கி சுமந்து 
நாங்கள் நனைந்து 
உணவுகளை நனையாமல் 
சுமந்து வந்தோம் ,

பள்ளிவாசல்களின் மூலைகளில் 
நின்று தொழுது கொண்டு 
உங்களுக்கு உறைவிடம் தந்தோம்

எங்கள் வீட்டு பிள்ளைகளை போலவே 
உங்கள் பிள்ளைகளை நினைத்து 
அழுத பிள்ளைக்கு பால் புகட்ட 
அரசை எதிர்பார்த்து இருக்காமல்
நங்கள் சேற்றிலும் சகதியிலும் நடந்து வந்து 
பால் பாக்கட்டுகளை 
உன் படிக்கட்டில் வீசி எறியாமல் 
கதவு தட்டி தந்து 
உன் நலம் விசாரித்து சென்றோம்

நிவாரண களத்தில் 
நின்று இருந்த பொழுதும் 
அருமை தம்பி 
இம்ரானை இழந்தோம்

அது கூட எங்களை நிலைகுலையச் செய்யவில்லை

இந்த கட்டுரையை எழுதி கொண்டு இருக்கும்
இந்த நேரத்திலும் நிவாரணம் களத்தில்
உழைத்து கொண்டு இருக்கிறோம்

இந்த நேரத்தில் நெல்லை ஏர்வாடியில் 
ரத்தம் சொட்ட சொட்ட 
காஜா முகைதீன் என்ற
இஸ்லாமிய இளைஞன் படுகொலை செய்யப்பட்டு உள்ளான்

உனக்காக உழைத்ததற்கு 
மதவெறி மிருகங்கள் இதை அரங்கேற்றினர்களா ?? 
மனிதநேயத்தை எங்கள் 
மாண்பாக கொண்டது குற்றமா ??

காவல் துறை அதிகாரிகளை சந்தித்தோம் 
கவனிக்கப்படவில்லை !!

மாவட்ட ஆட்சியரை சந்தித்தோம் 
சந்திக்க மனம் இன்றி எள்ளி நகையாடினார் !!

வீதி யில் இறங்கி போராடிக்கொண்டு இருக்கிறோம்
விடிவு எதுவும் இல்லை !!

நீதி எங்கள் சமுதாயத்திற்கு எட்டா கனியே ! 
என்பது நிதர்சனமான உண்மை 
என்பதை நீ நன்கு அறிவாய்

ஆனால் அதை விட உனது மெளனமே 
எங்களை வேதனை பட செய்கிறது !!
உன் மௌனத்தை நீ கலைத்தால்......

நீதி பிறக்கும் நீயும் எங்களோடு 
வீதிக்கு வந்தால் 
விடிவு பிறக்கும் வருவாயா !!

உன்னுடைய கண்டன குரல்கள் 
எங்கள் கண்ணீரை துடைக்கும் 
அரசு குரல்வளையை நெரித்து பிடிக்கும் 
குரல் எழுப்பினால்

சகோதரர்களே உங்கள் மெளனம் 
களையவில்லை என்றாலும்

உனக்கு உழைப்பதை நாங்கள் நிறுத்த மாட்டோம்
ஏன் என்றல் நீ என்றும் எங்கள் சகோதரன்
-----
இந்த கடிதம் எதாவது உன்னை 
கடிந்து பேசி இருந்தால் என்னை மன்னித்து கொள் !!
வேதனைகளுடன் உங்கள் சகோதரன் 
-------
தாம்பரம் அசாருதீன்

மாநில ஒருங்கிணைப்பாளர் 
சமூக நீதிக்கான மக்கள் இயக்கம்