“இவுக கைல நாம அகப்பட்டா சட்னிதான்!” பேங்குகள் போடும் ‘பிளான்-B’!

Berlin, Germany: Growing chorus of observers at European Banks who fear that a breakup of the euro zone might be at hand, yesterday (Friday), Standard & Poor downgraded Belgium’s credit standing to AA from AA+. Some ratings agencies this week cautioned that France could lose its AAA rating if the crisis grew. On Thursday, agencies lowered the ratings of Portugal and Hungary to junk.

தொடரும் பொருளாதார இழுபறிகளால் ஐரோப்பிய ஒன்றியத்தின் (EU) யூரோ நாணயம் சிதறிப் போகலாம் என்ற பயம் தற்போது ஏற்படத் தொடங்கிவிட்டது. விவகாரம் பணம் தொடர்பானது என்பதால், முதலில் அச்சம் கொள்ளும் ஆட்கள் பேங்குகளும், நிதி அமைப்புகளும்தான்!

நேற்று (வெள்ளிக்கிழமை) பெல்ஜியம் நாட்டின் கிரெடிட் ரேட்டிங்கை AA+ என்ற பிரிவில் இருந்து, AA-க்கு குறைத்திருக்கிறது Standard & Poor ரேட்டிங் ஏஜென்சி. வேறு சில சர்வதேச ரேட்டிங் ஏஜென்சிகள் மற்றொரு திகிலை கிளப்புகின்றன. நிதி நிலைமை பலமாக உள்ளதாக கருதப்படும் பிரான்ஸ் நாட்டின் கிரெடிட் ரேட்டிங்கை, AAA பிரிவில் இருந்து கீழிறக்க வேண்டிய நேரம் நெருங்குகிறது என்கின்றன இந்த ஏஜென்சிகள்.

Merrill Lynch பிளான்-பி வைத்திருக்கிறது!

ஒருவேளை அப்படி ஒரு நிலை ஏற்பட்டால், ஐரோப்பிய பங்குச் சந்தைகளில் தலைகீழ் வீழ்ச்சிகள் ஏற்படுவதை தவிர்க்க முடியாது.

ஏற்கனவே ரேட்டிங் ஏஜென்சிகள் கடந்த வியாழக்கிழமை போத்துக்கல், ஹங்கேரி ஆகிய இரு நாடுகளின் கிரெடிட் ரேட்டிங்குகளை ‘குப்பை’ (junk) என்ற பிரிவுக்கு கொண்டு சென்று விட்டன.

ஆனால் ஐரோப்பிய அரசியல் தலைவர்கள், யூரோ நாணயம் நொருங்கிப் போகாது என்று சொல்லி வருகின்றனர். ஜேர்மன் அதிபர் ஆஞ்செலா மார்கெல் “யூரோ நொருங்குவது என்ற பேச்சுக்கே இடமில்லை” என்கிறார். ஆனால், அவரது கூற்றுக்கு அவரது சொந்த நாடான ஜேர்மனியில் உள்ள சில பேங்குகளே எதிர்க் கருத்துக்கள் தெரிவித்துள்ளன.

முக்கியமாக இந்த வாரம் வர்த்தகச் செய்திகளில் அடிபட்ட ஜேர்மனியின் தங்கக் கையிருப்பு விவகாரம் பற்றிய சர்ச்சைகளில், ஜேர்மனியின் பிரதான பேங்குகள் சில சந்தேகங்களை எழுப்பியிருந்தன.

ஐரோப்பிய தலைவர்கள், “ஒருவேளை யூரோ நொருங்கினால்?” என்ற சாத்தியத்துக்கான ‘Plan B’ தேவையே இல்லை என்று என்னதான் அடித்துச் சொன்னாலும், ஐரோப்பிய வங்கிகள் கைவசம் ‘பிளான்-பி’ வைத்திருக்கின்றன என்பது அவர்கள் கடந்த சில தினங்களாக விடும் அறிக்கைகளில் இருந்தே தெரிகின்றது.

ஐரோப்பிய ஒன்றிய அளவில் பலம் மிக்க வங்கிகளாகக் கருதப்படும் Merrill Lynch, Barclays Capital மற்றும் Nomura ஆகிய மூன்று வங்கிகளும் இந்த வாரம் வெளியிட்ட அறிக்கைகளில் “யூரோ நொருங்கினால், Plan B” என்ற சொற்பதம் இருப்பதைக் கவனியுங்கள். பிரிட்டிஷ் வங்கி Royal Bank of Scotland, நேற்று முன்தினம் (வியாழக்கிழமை) விடுத்த அறிக்கையில்கூட Plan B பற்றிப் பேசப்பட்டுள்ளதையும் கவனியுங்கள்.

ஐரோப்பிய ஒன்றியத்துக்கு வெளியே என்ன நடக்கிறது என்பதையும் பாருங்கள். அமெரிக்க ரெகுலேட்டர்கள், தமது வங்கிகளை யூரோ வர்த்தகத்தில் அதிகம் கவனம் செலுத்துவதை தவிருங்கள் என்று இந்தவாரம் அறிவித்துள்ளார்கள். அமெரிக்க வங்கி Citigroup, அதை செயற்படுத்தப் போவதாக விடுத்த அறிவிப்பு நேற்று வெளியாகியுள்ளது. ஆசியாவில் ஹாங்காங் அரசு ரெகுலேட்டரி போர்டு கிட்டத்தட்ட இதே ஆலோசனையை கடந்த வியாழக்கிழமை தமது வங்கிகளுக்கு வழங்கியுள்ளது.

நீங்கள் பங்குச் சந்தையில் புகுந்து விளையாடும் நபராக இருந்தால், யூரோவில் வர்த்தகம் செய்யும் நிறுவனங்களில் பங்குகள் வாங்கும்போது, திருமாவளவனுக்கு ஓட்டு போடுவதுபோல ஒருமுறைக்கு மூன்றுமுறையாக யோசியுங்கள்!

http://viruvirupu.com/european-banks-fear-breakup-euro-zone/tamil-news/11481/